Қазақстан Республикасының кезекті Президент сайлауының басталуына бірнеше күн ғана қалды. Қазақстандағы саяси оқиғаға назар аударған шетелдік және халықаралық ұйымдар мен БАҚ өкілдерін аккредиттеу жұмыстары бір күн бұрын аяқталды. Бұл процесті Сыртқы істер министрлігі мен Орталық сайлау комиссиясы бірлесе атқарған. 

ҚР СІМ тарабының хабарлауынша, тұрақты негізде 121 шетелдік БАҚ өкілін қамтыған, 40-тан астам елден 227 шетелдік корреспондент тіркелген. 2015 жылғы сайлауда бұл сан 168 болған.  Шетелдік журналистер Қазақстанның сыртқы саяси ведомстволарының берген тұрақты немесе уақытша аккредиттеу туралы куәлігі болғанда ғана сайлауға бақылау жасай алады.

СІМ тарабы  "Сайлау заңына" сәйкес, шет елдің және халықаралық ұйымдардың бақылаушыларына және шетелдік БАҚ өкілдеріне аккредиттеу туралы куәлігі болған күнде де, сайлауды бақылау үшін аудармашымен ілесіп жүруі керек екенін ескертеді.

Сыртқы істер министрлігі мен Орталық сайлау комиссиясы мәлімдемелерінде, кезекті сайлауда елге келген шетелдік журналистердің саны рекордтық көрсеткіште деп көрсеткен, Әрі бұны "әлемнің Қазақстандағы саяси жағдайға назар аударуы" депті.

“The Qazaq Times”