Фото: https://kursiv.kz

Нұр-Сұлтанда есірткі саудасына қатысы бар полиция қызметкерлері сотталды.

2018 жылғы тамызда Қазақстан Республикасының Ұлттық қауіпсіздік комитеті героин өткізуге және лауазымдық уәкілеттіліктерін асыра пайдалануға қатысы бар Нұр-Сұлтан қаласы Полиция департаменті Есірткіге қарсы күрес басқармасы бастығының орынбасары М. Кантуриннің және ПД Тергеу басқармасының тергеушісі полиция аға лейтенанты М. Әзімханның заңға қайшы әрекетін анықтады.

2019 жылғы 29 наурызда Нұр-Сұлтан қаласы Қылмыстық істер бойынша мамандандырылған ауданаралық сотының үкімімен М. Кантурин және М. Әзімхан ҚР ҚК 366-бабы 3-бөлімі бойынша, сондай-ақ М. Кантурин қосымша ҚР ҚК 297-бабы 3-бөлімі, 361-бабы 1-бөлімі бойынша кінәлі деп танылып, 10 және 8 жылға мемлекеттік қызметте лауазым атқару құқығынан өмір бойына айырумен қауіпсіздігі барынша жоғары және орташа түзеу колонияларында жазасын өтеумен бас бостандығынан айырылды. Ұлттық қауіпсіздік комитетінің жазуынша, олар мемлекеттік қызметте істеу құқығынан өмір бойына айырылған. «Сотталғандар жазасын қауіпсіздігі барынша жоғары және орташа түзеу колонияларында өтейді» дейді комитет.

"The Qazaq Times"