Фото: http://www.atomic-energy

Атом энергетикасы жөніндегі халықаралық агенттік Солтүстік Кореяға тексерушілерін жібермек. БҰҰ-ның Қауіпсіздік кеңесінде ұйым басшысы Юкия Амано осындай мәлімдеме жасады.

Юкия Аманоның айтуынша, агенттік мұндай әрекетті жүзеге асыру үшін Пхеньямен келіссөз жүргізуші тараптар саяси шешімге келуі тиіс.

Биыл ақпанда Вьетнамда АҚШ пен Солтүстік Корея басшыларының саммиті өткен болатын. Бірақ басқосу нәтиже берген жоқ. Кейіннен Пхеньян тарапы Сохэдегі зымырандық сынақ алаңын жөндеп жатқаны туралы хабарлаған. Ал МАГАТЭ бұл елдегі ядролық нысандарды соңғы рет 2009 жылы тексерген.

2018 жылдың 27 сәуірінде Оңтүстік Корея президенті Мун Чжэ Ин мен КХДР басшысы Ким Чен Ын арасында тарихи саммит өткен еді. Келіссөздер нәтижесінде тараптар бейбіт келісімшарт жасасу ниеттері бар екенін мәлімдеп, Корей жартыаралын қарусыздандыру жоспарлары туралы келіскен. Сонымен қатар, Халықаралық атом энергиясы агенттігінің (МАГАТЭ) мәліметі бойынша, Солтүстік Корея осы қарусыздандыруға қатысты келісмішартты орындамайтынын хабарлаған.

"The Qazaq Times"