Даниядағы Huawei компаниясы. Фото: Tripfabrik.

Данияда Қытайдың ең ірі телекоммуникация компаниясының Huawei-дің қызметкерлері елден қуылды. Дания үкіметі оларға елдегі еңбек және елде тұру туралы заңды бұзды деген айып таққан.

Мәліметтерге қарағанда, Данияның көші-қон полиция тараулары Huawei компаниясына жүргізген тексеру кезінде компанияның 4 қызметкерін елдегі еңбек және елде тұру заңына қайшылық жасағанын анықтаған. Копенгаген полиция тараулары жасаған мәлімдемеде, олардың екеуі елден қуылып, қалған екеуіне тергеу-тексеру жұмыстары жалғасып жатқанын айтады.

Дегенмен, Дания полиция тараулары еңбек және елде тұру заңын бұзған азаматтардың бұған дейін Huawei компаниясына тағылған «тыңшылық» айыптарымен қатысы жоқ екенін алға тартады.

“The Qazaq Times”