Никол Пашинян. фото: sputnik-georgia.ru

Армения президенті Армен Саркисянның жарлығымен Никол Пашинян жаңа премьер-министр атанды.

Армения Конституциясының 149 тармағының 1 бөліміне сәйкес, парламент үкімет басшысын таңдамайды. Тиісінше, президент өзі тағайындайды.

Естеріңізге сала кетейік, өткен жылы армян тұрғындарының ұйымдастырған «Барқыт төңкерісі» дәл осы Никол Пашинянды үкімет министрі ретінде сайлауға мүмкіндік туғызған. Ал, 2018 жылдың 16 қазан айында Пашинян өз еркімен отставкаға кетуге өтініш білдірген. Бұл қадамға парламент сайлауын мерзімінен бұрын өткізу үшін барған азамат, енді қайтадан өз орынына жайғасты. Сонымен қатар, Пашинян бастаған «Менің қадамым» партиясының мүшелеріпарламенттегі фракциялардың ең көп депутаты саналады. Бүгінгі таңда аталған партияның атынан 88 депутат парламенттік мандатқа ие.

"The Qazaq Times"