Photo: AKIpress News Agency

Қырғызстанда 2019 жылдың басынан бастап жанармай бағасы төмендеді. Бұл туралы Қырғыз ұлттық статистикалық комитеті мәлімдеді.

Комитеттің айтуынша, қаңтардың бірі мен тоғызы аралығында бензиннің бағасы 0,26 сумға арзандады. Бұған дейін  бағасы 46,35 сум болса, қазір 46,09 сум тұрады.

Сондай-ақ, дизель отыны да 0,52 сумға арзандапты. Бұрын тұрғындар солярканы 46,17 сумға сатып алған болса, қазір 45,65 сумға сатып ала алады.  Ал, А-92 бензинінің бағасы - 43,24 сум, А-80 - 41,04 сум.

Жалпы, 2018 жылдың қорытындысы бойынша, А-95-тің орташа бағасы 46,53 сумды, А-92 — 44,12 және А-80 — 41,71 сумды құраған.

"The Qazaq Times"