Францияда Mirage 2000 әскери ұшағы радар бетінен із-түссіз ғайып болған. Бұл туралы француздық басылымдар мәлімдеп отыр.

Жергілікті БАҚ өкілдерінің мәліметі бойынша, Нэнси-Оши базасынан ұшып шыққан әскери ұшақ сағат 11: 00 шамасында Юра аймағында радардан жоғалған.

Қазіргі таңда мамандар аталған ұшақтың апатты жағдайға тап болуы әбден мүмкін деп болжап отыр. Әуе кемесінің бортында пилот және оның көмекшісі болған.

Осы жағдайға байланысты қазір жоғалған аймақта іздестіру жұмыстары жүргізілуде.

"The Qazaq Times"