фото: photochronograph.ru

Түркия  Сүрияның шығысына антитеррорлық операцияға дайындық үстінде. Аталған жобамен 500-600 мыңнан астам босқындар отандарына оралуына мүмкіндік қарастырылған.

Сонымен бірге, бұл операция АҚШ әскерлерінің Сүриядан шығуына ықпал жасап, ұзақ жылғы соғыстан қираған Сүрия қалаларын қайтадан қалпына келтіруге көмектесетін болады.

Халықаралық сарапшылардың пікірінше, «Түркия 70-ші жылдан бері террористер және оларды қолдайтын елдермен күресіп келеді. Осының әсерінен Түркия елі 700 миллиард доллардан астам қаражат шығындаған. Егер терроризммен күрес жүрмеген жағдайда, жалпы ішкі өнім бойынша әлемдегі 13-ші емес, 8-ші орында тұруы тиіс еді», - дейді.

Естеріңізге сала кетейік, 19 желтоқсан күні Трамп Сүрия аумағынан АҚШ әскерін шығаруға байланысты жарлыққа қол қойған. Ол өзінің бұл қадамын «Ислам мемлекеті» террорлық ұйымының жеңіліс табуымен байланыстырып, АҚШ әскерінің бұдан әрі Сүрия аумағында қалуына ешқандай негіз жоқ екендігін айтқан.

"The Qazaq Times"