Фото: El Pais

Индонезияда алапат цунами  кесірінен арты-артынан орын алған зілзала қазіргі уақытқа дейін 384 адамның өмірін жалмады. Табиғи апат құрбандары санының артқаны туралы хабарды Индонезия Табиғи апат салдарын жоюмен айналысушы Ұлттық басқарма хабарлады, - деп жазады haberler.com.

Қаза тапқандардан бөлек, жарақаттанғандар саны жүзден асып кеткен. Бұдан бұрынғы хабарларда ауруханаға жеткізілгендердің саны шамамен 400 адам екені айтылған еді. Енді, дәрігерлердің жарақат алғандарға көмек көрсетуде үлгермей жатқандары да хабарлануда. Сулавеси аралы жағалауындағы 6,1 баллдық жер сілкінісі бүгін, 29 қыркүйек күні таңертең орын алған. Бірнеше минуттан кейін дәл осы ауданда 7,4 баллдық екінші жер сілкінісі болған. Одан кейін, тағы бірнеше автершок қайталанған. Индонезия билігі цунами қаупінің әлі де бар екенін ескерткенмен, арадан бірнеше сағат өтпей мұндай қауіптің беті қайтқанын айтып, тұрғындарды эвакуациялау ісін де тоқтатқан. Қазіргі уақытта алапат теңіз дауылына Грекия дайындалуда.

“The Qazaq Times”