Жерорта теңізінің Ливия жағалауында босқындар тиелген кеме суға батып, салдарынан 100-ден аса адам қаза тапты, - деп хабарлайды fr.euronews.com.

«Шекарасыз дәрігерлер» ұйымының (фр. Médecins sans frontières) ақпаратына қарағанда, резеңке қайықтарда Солтүстік Африка мен Таяу Шығыс елдерінен 160-тан астам босқын болған. Олардың 55-і ғана аман қалған. Ұйымның хабарлауынша, қаза тапқандардың арасында 20-дан астам бала болған.

«Шекарасыз дәрігерлер» ұйымы құтқарылған адамдарды заңсыз қамауда ұстауда деп хабарлайды. Олардың кейбірі медициналық көмекке мұқтаж. Бұл — соңғы бірнеше айдан бергі Жерорта теңізінде болған босқындар апатының ең үлкені болып табылады.

“The Qazaq Times”