Йемендегі азамат соғысының басталғанына биыл 5 жыл болды. Үкімет әскері әлі күнге дейін хусит көтерілісшілерімен күрес жүргізіп келеді.

Сауд Арабиясы басқаратын халықаралық коалиция ұшақтары Йемен астанасы Сана қаласындағы хуситтердің бекіністеріне әуеден соққы жасағаны мәлім болды. Халықаралық әуежай және әуебаза шабуылға ұшыраған. Әзірше адам шығыны мен нысандарға қандай зақым келгені жайлы нақты мәлімет берілген жоқ.

Ел билігіне Сауд Арабиясына қарасты коалиция жетекшілік еткелі, халық арасында наразылық өрши түскен. Осы уақытқа дейінгі жанжалдан жалпы саны он мыңнан астам бейбіт тұрғын қаза болған.

"The Qazaq Times"