Германияның жаңадан сайланған Сыртқы істер министрі Хайко Маас "Handelsblatt" газетіне берген сұхбатында Америкамен арадағы қарым-қатынастарды қайта қарау туралы ұсыныс білдірген. Оның айтуынша, Уашингтонға деген сенім бұрынғыдай емес.  

«Еуропалық Одақтың құрамындағы мемлекеттердің мүддесі ортақ . ЕО тек қана Американың емес, біздің де ДНК-мыз іспетті. АҚШ Иранмен байланысын доғарып, экономикалық тұрғыда дұрыс саяси стратегия жүргізуі тиіс. Трамп Германияны ешқашан басып өтпеуі қажет. Қазіргі жағдайда бұл қателіктер жиі байқалады», – дейді министр Маас.

Екі ел арасындағы қарым-қатынас Дональд Трамптың билікке келуінен бастап нашарлай түскен. Трамп Германия канцлері Ангела Меркельді жиі сынға алып, мигранттардың артуына қарсылық білдірген болатын. Меркель Трамптың көші-қон заңнамасы мен миграция мәселесіне қатысты пікірін құптамайды.

2018 жылы маусымда Дональд Трамп: «Германия – энергетикалық тұрғыдан Ресейге тікелей тәуелді мемлекет», – деп кесіп айтқан. Саяси былықтың ортасында қалған екі мемлекет басшыларының болашақта нақты қандай келісіміге келетіні әзірге жұмбақ күйінде қалуда.

"The Qazaq Times"