Ауғанстанның Багдис қаласындағы әскери базаға шабуыл жасалды. Фото: Анадолы.

Ауғанстанда үкімет пен Талибан арасындағы уақытша соғыс тоқтату бітімгерлік мерзімі аяқтала салысымен Талибан тарабы өзінің алғашқы шабуылын бастады. Багдис қаласындағы әскери базаға жасалған шабуылдан үкімет күштерінің 30 адам қаза тапты. Бұл туралы "Шинлаң" ақпараттық сайты хабарлады.  

Ауғанстан үкіметі 20 маусымға дейін 10 күндік біржақты атысты тоқтату бітімін жариялаған еді. Алайда, Талибан тарабы бұған оң реакция танытпады. Үкімет мәлімдемесіне ресми жауап та қайтарған жоқ.

Багдисте 20 маусым күні болған шабуыл, ондағы әскери базаға бағытталған. Бір сағатқа созылған атыста 30 қауіпсіздік қызметкері қаза тауып, 20-дан астам адам жараланған.

“The Qazaq Times”