Фото: Режеп Тайып Ердоған

Түркия президенті Режеп Тайып Ердоған алдағы сайлаудан кейін елдегі төтенше жайдайды жоюға уәде берді, деп хабарлайды Le Figaro агенттігі. 

"Алла қаласа, сайлаудан кейін ең бірінші қолға алатын нәрсеміз — елдегі төтенше жағдайды жою", - деді президент жергілікті телеарналардың біріне берген сұхбатында. Бұдан бұрын ол Түркиядағы террорлық қауіп-қатер түгел сейілмейінше, төтенше жағдайды күшінде қалдыратыны туралы мәлімдеген болатын.

Бәрімізге белгілі, Түркиядағы төтенше жағдай 2016 жылы, шілде айында сәтсіз жасалған мемлекеттік төңкеріс әрекетінен кейін енгізілген еді. Еске салайық, Түркияда,ы мерзімінен тыс парламент және президент сайлауы осы айдың 24 маусымында өтеді. Германия, Франция және Австрия елдерінде тұратын түрік азаматтары үшін дауыс беру 7 маусымда басталып кетті.

“The Qazaq Times”