Шымкент қаласының тұрғыны Чемпиондар Лигасының финалына 10 млн теңге тіккен. Испандық "Реал Мадрид" командасына бұрыннан жанкүйер болған ол, ақтық сында тәуекелге барып, ақырында 17,1 млн теңге олжалапты. Бұл туралы Sports.kz сайты хабарлады.

Осылайша отандасымыз небәрі 90 минутта 7,1 млн теңге табыс тауып отыр. Есте болса, күні кеше Чемпиондар Лигасының финалында испандық "Реал Марид" пен ағылшындық "Ливерпуль" командалары кездескен еді. Тартысты ойын нәтижесінде "Реал" клубы қарсыластарынан басым түсіп, 3:1 есебімен ұтып кетті.

Испандық ұжым бұл кубокқа осымен 3-ші жыл қатарынан ие болып отыр. Әзірге, әлемде мұндай жетістікке жеткен бірде-бір клуб жоқ.

“The Qazaq Times”