Елордада табиғат шәлкез мінезін танытты. Долы дауыл ондағы бірнеше ғимараттың шатырын жұлып, ұшырып әкеткен. Желі қолданушылары қираған нысандардың суреттері мен видеоларын қазір жарыса таратып жатыр.

Таң ата Астанада толассыз нөсер құйып, соңы дауылға ұласқан. Кей жерлерде бұршақ жауыпты. Салдарынан кейбір сауда орталықтарының, ұлттық мұражай  мен №3 мектептің шатыры бүлінген. Одан бөлек, қатты жел құрылыс кранын ұршықша иіріп әкетіпті. Мамандар әзірге 13 адамның зардап шеккенін айтады. Апаттан жарақат алғандар саны әлі де артуы мүмкін.         

“The Qazaq Times”