Фото: Көрнекі сурет

Үстіміздегі жылы ҚР Ақпарат және коммуникация министрлігі сандық телеарнаға кезең-кезеңмен өтуді қолға алмақ. Бұл туралы аталған министрліктің баспасөз қызметі хабарлайды.

Министрліктің хабарлауынша, 2018 жылдың соңына дейін Маңғыстау, Жамбыл және Оңтүстік Қазақстан облыстары толығымен сандық экрандық телеарнаға қосылады. Ал, қалған республиканың өңірлері 2020 жылға дейін сандық телеарнаға толықтай өткізіледі.

Сонымен қатар, қазіргі уақытта Қазақстанның шамамен 13 млн-нан астам тұрғыны жоғары жылдамдықты интернетке ие.  10 мыңнан астам халқы бар елдімекендер 3G, ал 50 мыңнан астам тұрғыны бар елдімекендер 4G стандарттарындағы байланысқа қол жеткізіп отыр. Министрлік 2021 жылға дейін 1249 ауылдық округты жоғары жылдамдықты интернетпен қамтамасыз етуді жоспарлап отыр.

“The Qazaq Times”