Фото: Newsru

5 сәуір, жұма күні Газа секторы мен Израиль арасындағы шекарада палестиналықтар мен израильдік әскер арасында қайтадан қақтығыс орын алды.

Газа секторы денсаулық сақтау министрлігінің мәліметінше, «Ұлы оралу маршы» кезіндегі тәртіпсіздік салдарынан кем дегенде 1 143 палестиналық жараланған. Олардың 40-тан астамы атыс қаруларынан жарақат алған. Бұл туралы  «Newsru» агенттігі хабарлайды. Қарсылық басталғаннан бері барлығы 41 адам қаза тапқан.

Газа секторы мен Израиль шекарасындағы қанды қақтығысқа айналған ауқымды қарсылық шарасы ағымдағы жылдың 30 наурызында басталған еді. Палестиналық қарсылық қозғалысын ұйымдастырушылар Израиль билігіне деген наразылықтарын осылайша білдіруде. Енді, 15 мамыр күні мыңдаған адамдық ақтық марш болады деп күтілуде.

“The Qazaq Times”