Ирак ӘӘК-ге қарасты соғыс ұшағы. Фото: Al-Masdar News.

Ирак Қорғаныс күштеріне қарасты қауіпсіздік медиасы таратқан мәліметке қарағанда, Ирак ӘӘК-ге қарасты соғыс ұшақтары Сүрия әуе кеңістігіне өтіп, ДАИШ ұйымының маңызды бекіністеріне әуеден соққы берген. Бұл туралы «Шинлаң» ақпараттық сайты хабарлады.

Ирак Қауіпсіздік медиа орталығының өкілі Ресул мәлімдемесінде, аталған әуе шабуылында террорлық ұйымның 36 мүшесі жойылғанын, оның алтауы ұйым жетекшілері екені айтылған. Сонымен бірге Сүрия мен Ирак шекарасына жақын маңдағы маңызды бекіністері талқандалған.

Өткен аптада Ирак премьер-министрі қарулы күштері Сүрия жерінде ДАИШ содырларына соққы беруге дайындалып жатқанын мәлімдеген болатын.

“The Qazaq Times”