Фото: LiveJournal/Александр Чачава

Өзбекстан билігі елде  спортқа қосымша қолдау көрсететін кәсіпорындар тізімін бекітті. Сонымен  алкоголь және темекі өнімін өндірушілер дене шынықтыру мен спортты дамыту қорына міндетті аударымдар жасайтын болды.

Өзбекстан президенті Шавкат Мирзияев аударылатын қаржы көлемін арнайы қаулымен бекіткен.  Қаулы бойынша, өндірушілер төлейтін сома сатылған өнім көлеміне байланысты болады.

Сонымен сыра өндіретіндер 1 декалитр өнім сатқан жағдайда қорға (10 литр) шамамен 2000 мың сум (0,24 доллар), арақ өндіретіндер 5000 сум (0,6 доллар) аударатын болады. Ал темекі өндіретін кәсіпорындар  мың қорап темекі сатылса 1000 сум көлемінде (0,12 доллар) қаржы аударады.

Жоғарыда аталған қор Өзбекстан Республикасының Дене шынықтыру және спорт министрлігі жанынан құрылды. Негізінен қор мемлекеттік бюджеттен қаржыландырылады. Биыл мемлекет қазынасынан спортты дамытуға 20 млрд сум (2,45 млн доллар) қаржы бөлінген.

Сондай-ақ, қор қайырымдылық ұйымдары, жеке кәсіпкерлер, жеке және заңды тұлғалар, соның ішінде Өзбекстан резиденттері емес демеушіліктер арқылы қаржыландырылады.

“The Qazaq Times”