Фото: Getty Images

Brexit жобасы аяқталғаннан кейін Еуроодақтан шығатын Лондондағы бірқатар маңызды кеңселер Париж бен Амстердамға көшіріледі. Атап айтсақ, Еуропалық банк басқармасы Парижге, ал дәрі-дәрмек бойынша Еуропалық агенттік Амстердамға қоныс аударады. Бұл туралы ВВС ақпараттық агенттігі жазды. 

Қос мекеме Лондонда мыңға жуық азаматты жұмыспен қамтамасыз етіп отырған болатын. Еуропалық банк басқармасының өз елінде болуы үшін бәсекеге 8 ел қатысса, дәрі-дәрмек бойынша Еуропалық агенттіктің жаңа орны болуға өз қаласын үміткер етіп 16 мемлекет қосқан.

Францияның Президенті Эммануель Макрон Париждің жеңісін оның бүкіл әлемнің назарындағы қала болуымен байланыстырды. Еуропалық банк басқармасының қызметкерлері өткен жылы Одаққа мүше елдерге 700 рет әртүрлі миссиялармен сапарлаған. Осыған орай басқарма орналасатын қаланың әуе жолдарының инфрақұрылымы да дауыс беру кезінде ескерілді.

“The Qazaq Times”