Фото: Фото: nytimes.com

Сауд Арабиясы қамауға алынған ханзадаларды түрмеге емес бес жұлдызды қонақ үйге жатқызуда – деп жазды The New York Times газеті.

Басылым мәліметінше, қараша айының 5-сі күні пара алды деген күдікпен ұсталған Сауд Арабия ханзадаларын ел билігі түрмеге жатқызудың орнына Эр-Рияд қаласында орналасқан бес жұлдызды Ритц Карлтон қонақ үйіне жайғастырған. Осыға байланысты You Tube желісінде видеороликте жарияланған. Онда тұтқынға алынған ханзадаларды жергілікті полиция қызметкерлері Ритц Карлтон қонақ үйінің фойесіне орналастырғаны бейнеленген.

Естеріңізге салайық, бұған дейін Сауд Арабиясы билігі 11 ханзада мен 10-нан астам бұрынғы министрлерді пара алды деген айыппен қамауға алған болатын. Олардың ішінде Сауд Арабия королінің жиен інісі әл-Валид бен Талал да бар.

“The Qazaq Times”