Фото: sputnik.kg

Алмазбек Атамбаев Қырғызстанда биліктің бейбіт жолмен ауысатынына кепілдік беретінін айтты.

Қырғызстан президенті Алмазбек Атамбаев Чолпан-Атадағы мемлекеттік резиденциясында өткізген баспасөз мәслихатында: «Мен ойлаймын, біз алда өтетін президент сайлауының қорытындысы қандай болса да қабылдауымыз керек. Иә, сайлауда біреулер өз дауысын сатуы мүмкін. Біз Қырғызстан қоғамын бұл тұрғыда толықтай оята алмадық. Бірақ қазір ел басқа. Мен алдағы президент сайлауынан кейін биліктің бейбіт жолмен ауысуына кепілдік беремін» - деді.

Естеріңізге салайық, Қырғызстанда президент сайлауы 15 қазан күні өтеді. Сайлауға Қырғызстанның қазіргі басшысы Алмазбек Атамбаев қатыспайды. Қырғыз Республикасының конституциясы бойынша, бір адам президент болып тек бір мерзім ғана сайлана алады.

“The Qazaq Times”