Фото: AFP 2017 / Zian MuttaQien

АҚШ Геологиялық қызметінің (USGS) хабарлауынша, Индонезияның халық тығыз қоныстанған аймағы Ява аралының жағалауында 5,6 балдық жойқын жер сілкінісі болды.

Жер асты дүмпулерінің эпицентрі Сукабуми қаласынан 160 шақырым жерде орналасқан. Жер сілкінісінің ошағы 10 шақырым тереңдікте байқалған.

Әзірге зардап шеккендер мен қиратылған нысандар туралы нақты ақпараттар жоқ. Цунами қаупі байқалмайды.

Синьхуа агенттігінің хабарлауынша, жер асты дүмпулері эпицентрден 200 шақырым қашықтықта орналасқан Индонезияның астанасы Джакарта қаласында да сезілген.

“The Qazaq Times”