Фото: Theins.ru

Жапония мен Америка Құрама Штаттары сауда кедергілерін азайтып, өзара тиімділікті арттыру үшін сауда қарым-қатынасын дамытатын болады. Екі елдің арасындағы мұндай келісім Жапонияның экономика, сауда және өндіріс министрі Хиросигэ Сэко мен АҚШ өкілі Роберт Лайтхайзер арасында жасалды. 

"Біз сауда кедергілері мен саудадағы деформация механизміне қарсы тұратын, екі ел үшін де тиімділігі бар сауда қарым-қатынасын дамытуға ықпал ететін келісімге келдік", - деп келтіреді Киодо агенттігі  Хиросигэ Сэконың сөзін.

Айта кетейік, Жапония өткен жылдың соңында ғана ТрансТынық мұхиты серіктестігі туралы келісімді ратификациялаған еді. Ал АҚШ президенті Дональд Трамп болса елді Транс Тынық мұхиты серіктестігінен шығару туралы жарлыққа қол қойды. Алайда Токио билігі АҚШ-ты қалай болғанда да келісімге қайта келуге көндіретінін айтқан. Сарапшылардың сөзінше, егер АҚШ  ұйымға серіктестік жасамаса,  басқа елдерде кеден салығын азайтуды қамтамасыз етіп отырған серіктестіктің маңызы болмайды.

"The Qazaq Times"