Майк Роджерс. Фото: vestifinance.ru

АҚШ Президенті Дональд Трамп Мичиган штатының бұрынғы конгресмені Майк Роджерсті Федералды бақылау бюросының ( Federal Bureau of Investigation) директоры етіп тағайындауы мүмкін. Бұл туралы Bloomberg агенттігі хабарлап отыр. 

53 жастағы Майк Роджерс бұдан бұрын өкілдер палатасын бақылау  комитетінің төрағасы болған. Ол Конгресті 7 жыл басқарған соң 2015 жылы кетіп, қызметін радиода жалғастырады. Президент сайлауы кезінде Роджерс Дональд Трампқа ұлттық қауіпсіздікке қатысты кеңестер беріп отырған, алайда кейін белгісіз себептермен командадан шығып қалған.

Еске салайық, осыдан екі күн бұрын АҚШ Президенті ФББ (FBI) басшысы Джеймс Комиді жұмысынан босатқан.  Джеймс Коми президент сайлауы кезінде "Дональд Трамптың Ресеймен қатысы болған" деген күдікпен жүргізілген қылмыстық зерттеу тобының жетекшісі болған. Ал АҚШ-та өткен президент сайлауында Трамптан жеңілген Хиллари Клинтон жақтастары  Дональд Трамп өзінің сайлау кезінде Ресеймен байланысын жасыру мақсатында осындай қадамға барды деп мәлімдеді.

The Guardian агенттігінің мәліметінше, Дональд Трамп Комиді бюроны тиімді басқара алмайды деген шешімге келген.

“The Qazaq Times”