АҚШ президенті Дональд Трамп Сүриядағы күрт әскеріне қару-жарақ беруге байланысты құжатқа қол қойды деп хабарлайды Пентагон баспасөз қызметі.

Күрт әскері «Ислам мемлекеті» лаңкестік ұйымына қарсы соғысып жүрген «Сүрия демократиялық күштерінің» құрамына кіреді.

«Біз НАТО-дағы одақтасымыз Түркияның Сүриядағы күрт әскеріне қару бергенімізге еш алаңдамауын сұраймыз. Біз Түркия сынды одақтасымызды кез келген қауіптен қорғауға дайынбыз.» - деді Пентагон баспасөз қызметі.

Естеріңізге салайық Түркияда Сүрия аумағында соғысып жүрген «Күрт жұмысшылар партиясы» лаңкестік ұйым деп танылған.

“The Qazaq Times”