«Қалталы парламентті халықтық парламент жасауымыз керек!» 2 наурыз. Алматы облысы, Талғар ауданы, Тұздыбастау ауылының халқымен жолыққан Қазақстан парламенті Мәжілісінің депутаттығына Алматы облысындағы N11 сайлау округінен үміткер болып қоғам қайраткері, саясаткер, журанлист Рысбек Сәрсенбай осылай деді.

Мәдениет үйіне жиналған қалың қауым әуелі Рысбек Сәрсенбайдың өмір өрнегі өрнектелген «Бірегей» фильімін тамашалады. Үміткердің сайлаушыларымен кездеу шарасын Сәрсенбайдың сенімді өкілі, ақын, «Мұқағали» журналының бас редакторы Патық Мәжитұлы жүргізді. Кездесуде ауыл тұрғындарымен бірге қоғамдық белсенді азаматтар Мұрат Оспанов, Асылбек Қараев, Ғалым Нұрпейісов, Рысбек Тоқтасын, Думан Мұқаметкәрім, Бибігүл Құдайберген т.б. азаматтар сөйледі. Тұрзыдыбастау жұрты өз үміткерлеріне қолдау білдіріп, Алда келе жатқан 19 наурызда Рысбек Сәрсенбай біздің басты үміткеріміз болады деп сенім артты.