Көрнекі сурет. Фото: ашық дереккөз

ІІМ-нің Polisia.kz ақпараттық ресурсы Екібастұздағы қалалық полиция қызметкерінің мәйіті туралы түсініктеме берді.  

Павлодар облысы полиция департаментінің баспасөз қызметі оқиғаға қатысты сотқа дейінгі тергеу басталғанын айтты.

«Оқиғаның себебі мен мән-жайы анықталып жатыр. Өзге ақпарат жарияланбайды», – деді облыстық полиция департаменті.

Бұған дейін әлеуметтік желідек ресейлік нөмірмен жүрген көлікте 27 жастағы полиция қызметкерінің денесі табылғаны туралы ақпарат жарияланған болатын. Хабарламада оның денесінде зорлық-зомбылық белгілері бар екені айтылған.

Оқиға қатысты қылмыстық кодекстің 99-бабы 1-бөлігіне («адам өлтіру») сәйкес іс қозғалды. Бұл бап бойынша кінәсі дәлелденген адам сегіз жылдан он бес жылға дейін бас бостандығынан айырылады.

"The Qazaq Times"