Фото: EPA

"Жексенбі, 19 тамыз күні Израиль билігі Эрез кедендік бақылау бекетін жауып тастады. Бұл — Газа секторымен шекарадағы бірден-бір әрі жалғыз кедендік бекет", -  деп хабарлайды «abhaber.com» Израиль билігінің мәлімдемесіне сілтеме жасап.

КББ-нің жабылғаны туралы ақпаратты Израильдің Қорғаныс министрлігі де растаған. Сонымен қатар, Газа секторындағы Палестина автономиясының Азаматтық істер басқармасы да осы шешімнің қабылданған туралы хабарлаған. Енді, аталған бекет тек гуманитарлық істерге қатысты жағдайда ғана пайдаланылмақ. Әрі, оның қанша уақытқа жабылғаны да белгісіз. Айта кету керек, бұл шешім Израиль мен Газа секторы шекарасындағы қақтығыстан кейін қабылданып отыр. Яғни, бұдан бұрын да сайтымызда жазғанымыздай, ХАМАС күштері 9 тамыз күні Газа секторы территориясынан Израильге 150 зымыран шабуылын ұйымдастырған еді. Айта кететін тағы бір жайт, бұдан бұрын Израиль мен ХАМАС бітім жасасуға келіскен. Алайда, 18 тамызда палестиналықтар осы бітімді бұзып, қақтығысқа шығып, салдарынан екі палестиналық қаза тапқан еді.

“The Qazaq Times”