Фото: QT

"Алатау" дәстүрлі өнер театрында дәулескер күйшілер өнер көрсетті. "Мәңгілік сарын" атауымен өткен кешке еліміздің әр аймағынан  келген майталман өнерпаздар қатысты.

Мұқым жұрт Сержан Шәкіратов, Абдулхамит Райымбергенов, Әділбек Атығаев, Айгүл Үлкенбаева, Жанғали Жүзбаев сынды шебер орындаушылардың өнеріне тәнті болды. Олар бағзыдан жеткен шығармаларды нақышына келтіріп орындап, көрерменннің ықыласына бөленді. Концертті тамашалау тегін болғандықтан, тетарға ағылған адам санында есеп болмады. Сахна майталмандарының қатысуымен өткен саз кеші әз-Наурыз мерекесіне арналған іс-шарамен аяқталды.

“The Qazaq Times”