Фото: vetogate.com

Facebook Қытайда өзінің құпия бағдарламасын іске қосты - деп жазады The New York Times басылымы.

The New York Times газетінің мәліметінше, Қытайда Facebook компаниясы құрастырып шыққан Colorful Balloons бағдарламасын Facebook-тың өзі емес, жергілікті компания өзінің өнімі ретінде жұртшылық назарына ұсынған. Бірақ Colorful Balloons фото алмасу бағдарламасының барлық функциялары Facebook Moments бағдарламасына өте ұқсас жасалған.

Естеріңізге салайық, Қытай аумағында 2009 жылдан бері Google, Twitter, YouTube, Instagram желілеріне тыйым салынған және The New York Times, The Wall Street Journal сынды әлемдік бұқаралық ақпарат құралдарының сайттарына кіру мүмкін емес.

“The Qazaq Times”