Фото: EADaily

Бүгін Монғолияда президент сайлауы өтіп жатыр деп хабарлайды РИА Новости ақпарат агенттігі.

Бүгін Монғолия өз тарихында жетінші рет президент сайлауын өткізуде. Биылғы сайлауға Монғолия халықтық партиясынан Миеэгомбын Энхболд, Демократиялық партиядан Халтмаагийн Баттулга және Монғолия халықтық -революциялық партиясынан Сайнхуугийн Ганбаатар өз кандидатурасын ұсынған.

Монғолияның қазіргі басшысы Цахиагийн Элбэгдорж қатарынан екі мәрте президент сайлауына қатысып жеңіске жетуіне байланысты үшінші рет салауға қатыса алмайды.

Президент сайлауына байланысты ел аумағында 1983 сайлау бөлімшесі ашылған. Қазіргі таңда Монғолияда дауыс беруге құқылы 2002 3018 адам бар. Оның 1 978 294 адамы сайлау бөлімшелеріне тіркеуге алынған. Сайлауды 36 елден келген 117 бақылаушы қадағалайтын болады.

“The Qazaq Times”