Қырғызстанда тұратын өзбек диаспорасы Өзбекстан президенті Шавкат Мирзиеевтан көмек сұрады.

Джалал-Абад қаласында орналасқан өзбек диаспорасы жастарының «Бегайым» әдеби-қоғамдық қоры, қырғыз-өзбек қарым-қатынасын қайта жандандыруды сұрап Шавкат Мирзиеевке ашық хат жолдады.

Хатта өзбек жастары Шавкат Мирзиеевтан екі ел арасындағы шекара бақылауын жеңілдетіп, Қырғызстандағы өзбек жастарына Өзбекстан университеттерінде білім алуға жағдай жасауын  сұраған.

Естеріңізге салайық, Өзбекстан билігі Қырғызстанда этникалық өзбектер мен қырғыздар арасында болған қақтығыстан кейін 2010 жылы Қырғызстанмен арадағы шекара бақылауын күшейткен болатын. Бірақ Өзбекстанда билік басына Шавкат Мирзиеев келгелі бері екі ел арасындағы қарым-қатынас қайта жандана бастаған.

“The Qazaq Times”