Өзбекстан президенті Шавхат Мирзиеев пен Қырғызстан басшысы Алмазбек Атамбаев.

Өзбекстан президенті Шавхат Мирзиеев Қырғызстан басшысы Алмазбек Атамбаевты Өзбекстанға шақырды.

Мирзиеев пен Атамбаев маусымның 8-9 күндері Астанада өткен Шанхай Ынтымақтасық Ұйымының аясында кездесу өткізді. Кездесу барысында Шавхат Мирзиеев Өзбекстан мен Қырғызстан арасындағы тауар айналымының өскендігі, шекаралық аймақтардағы қарым-қатынастың жаңа деңгейге көтерілгендігін айтып, Алмазбек Атамбаевты өз еліне шақырды,

Ал Алмазбек Атамбаев өз кезегінде Мирзиеевке шақырғаны үшін алғысын білдіріп, Қырғызстан мен Өзбекстан арасындағы шекара достықтың, бірліктің шекарасы болу керектігін айтқан.

Бұдан бөлек екі ел басшылары Қырғызстан мен Өзбекстан арасындағы шекараны делимитациялау мен демаркациялау жұмыстарын тездетіп бітіру керектігі жайында әңгіме қозғаған.

“The Qazaq Times”