Сүрия астанасы Дамаск әуе жайына жақын жерде жойқын жарылыс болды деп хабарлайды ВВС ақпарат қызметі.

Әзірге жарылыстың неден болғаны белгісіз, бұл жайында Дамаск қаласының  ресми орындар ешқандай  мәлімдеме таратпаған. Бірақ «Хезболла» ұйымының қарамағындағы  «Әль-Манар» теле арнасының мәлімдеуінше, Израиль әуе күштерінің бомбылауының салдарынан Дамаск әуе жайының жағар жанармай қоймасында жарылыс болған.

Ал Израиль бұқаралық ақпарат құралдарының хабарлауынша жарылыс болған қойманы осы уақытқа дейін «Хезболла» қозғалысы пайдаланып келген.

"The Qazaq Times"