Ішкі істер министрі Марат Ахметжановтың айтуынша Абай облысындағы орман өртінен кейін қызметінен алынып тасталған бұрынғы төтенше жағдайлар министрі Юрий Ильинге қатысты тексеру жүргізілмек.

Ильин Абай облсындағы ауыр жағдайдан соң жұмыснан шеттетілген болатын.

– Президент Бас прокурорға тапсырма берді, сол бойынша тексеру жүргізіледі. Өрт фактісінің өзі төтенше жағдай. Адамдар қайтыс болды, сондықтан оқиғаның мән-жайы қылмыстық іс аясында анықталады. Неліктен дер кезінде шара қолданылмады, немқұрайлылық, қызметтік міндеттерін орындамау және т.б. тексеріледі, – деді ол.

Қоғамда Абай облсындағы өртке байланысты пікір әр алуан. Билікшіл топтар бұның барлығын жауапты қызметкерлердің қателігі десе азаматтық қоғам мүшелері сол жауапты адамдардың барлығын тағайындаған президент Тоқаев жауапты деп санайды.