27 ақпан, 15:00 сағатта Талдықорған қалалық сотында Қанды қаңтар кезінде азапталып қайтыс болған Алмас Мұқашевтың соты болады деп күтілген. Айыпты ретінде Ұлттық қауіпсіздіктің бір қызметкері ұсталған. Алайда сот кейінге яғни 6 наурызға қалтырылыпты.

Марқұм Алмас Мұқашевты азаптап өлтірген қылмыскердің соты болады деген күні Ғабдулқажы Мұқашев ақсақал дүниеден өтті. Ұлымды азаптап өлтіргендерді жазаласын деп арызданып жүрген қария сотқа жете алмай кетті.