Израиль әуе күштері Сүрия әскерін бомбылады деп хабарлайды  РИА Новости Сүрия әскерилеріне сілтеме жасап.

Израиль әуе күштері Сүрия әскері орналасқан Голанд биіктігі аумағына екі зымыран тастаған. Салдарынан бір қатар әскери техника істен шыққан.

Иерусалим  бұл әрекетке өз шекарасын Башар Асад әскері зеңбірекпен атқылағаннан кейін барғанын айтқан.

Бұған дейін бұндай жағдай наурыздың 17-і күні де орын алған болатын. Ол кезде Сүрия әскері Израиль аумағын зенитті зымырандарымен атқылап, Иерусалим ресми Дамскіге бұл жағдай екінші рет қайталанатын болса, оққа, оқпен  жауап қайтарытынын айтқан еді. Ал Сүрия өз аумағын қорғау үшін бұл әрекетке алдағы уақытта тағы баратынын мәлімдеген.

"The Qazaq Times"