Қазақстанға атом электр станциясы қажет. Бұл жөнінде бүгін, 3 қыркүйекте Владивостокта өтіп жатқан Шығыс экономика форумының пленарлық отырысында ел президенті Қасым-Жомарт Тоқаев айтты.

"Қазақстан халқына жолдауымда елде атом энергетикасын құру мүмкіндігін жан-жақты зерттеуді тапсырдым. Елдің, халық пен бизнестің қажеттілігін де ескеру маңызды. Бұл мәселені егжей-тегжейлі қарастыратын уақыт келді деп есептеймін. Себебі Қазақстанға атом станциясы қажет" деді жиынға онлайн қатысқан Қазақстан президенті.

Тоқаев өзі атап өткендей 1 қыркүйектегі жолдауында да елге АЭС қажет екеніне тоқталған еді. Ол үкіметке "бір жылдың ішінде қауіпсіз атом энергетикасын дамытуды зерделеуді" тапсырған.

Қазақстан билігі елде АЭС салу бастамасын кейінгі жылдары жиі көтеріп жүр. Бірақ қоғамда билікті бұл бастамасына қарсылар көп.

The Qazaq Times