Денсаулық сақтау министрлігі бүгін Алматы облысында коронавирус дертін жұқтырған бірінші науқастың тіркелгенін хабарлады.

21 наурыз сағат 12.00-дегі жағдай бойынша Алматы облысының Қарасай ауданында бір азамат коронавирус диагнозымен жұқпалы аурулар ауруханасында ерекше бақылауға алынған.

"1986 жылғы ер адам 17 наурызда Стамбұл-Бішкек рейсімен Қырғызстанға ұшып барған. Ертесінде көлікпен Алматы облысы Қарасай ауданының орталығы Қаскелең ауылына келген. Қазіргі кезде ол стационарлық карантинге жатқызылған. Жағдайы орташа" деді денсаулық сақтау министрлігінің ресми өкілі Диас Ахметшәріп.

Бүгінгі таңда астанада 28 адам, Алматы қаласында – 22 адам, Қарағанды қаласында – 2, Алматы облысында – 1 адам, жалпы 53 науқас тіркелген.

"The Qazaq Times"