Н.Назарбаевтың төрағалығымен өткен «Nur Otan» партиясы Саяси кеңесінің кеңейтілген отырысы. 21 тамыз 2019 жыл. Фото: ашық дереккөз

«Нұр Отан» партиясы төрағасының бірінші орынбасары Бауыржан Байбек «елдің есін сан-саққа жүгірткен» партия жиынының өтпейтінін мәлімдеді.

18 наурызға жоспарланған «Нұр Отан» партиясы Саяси кеңесінің отырысы коронавирус дертінің тіркелуіне қатысты өтпейтіні хабарланды.

Бауыржан Байбек Twitter желісіндегі ресми парағында:

«Коронавирус індеті таралу қаупінің алдын алу үшін шектеу шараларының енгізілуіне байланысты «Nur Otan» партиясының 2020 жылғы 18 наурызға белгіленген Саяси кеңесінің отырысын өткізу тоқтатылады», – деп жазды.

Бұған дейін ел ішінде әртүрлі қауесетке арқау болған «билік партиясындағы жаңа ауыс-түйіс» жөніндегі сыбыс тараған еді.

"The Qazaq Times"