Президенттің апайы саяжай салу үшін бір ауылды бұздыртып тастады.

Түркіменстанда Ашхабадтың оңтүстік-шығысында орналасқан Маныш ауылы бұзылып, тұрғындары өзге аймақтарға көшірілді. «Хроники Туркменстана» басылымының мәліметінше, қазір бұзылған ауыл орнында құрылыс жұмыстары жүруде. Болжам бойынша, жаңадан салынып жатқан ғимарат ел президенті Құрбанғұлы Бердімұхамедовтың апайларының біріне арналған саяжай.

Бұзу жұмыстарын былтыр бастаған. Ақпан айының аяғында оқу жылының аяқталмауына қарамастан, ауылдық мектепті де бұзған. Қазір Маныш тұрғындары Анау елді мекеніндегі көп қабатты үйлерге көшірілген. Құрылыс жұмыстары басталғалы бері Маныш ауылына кіреберіске блокпост қойылып, аумаққа тек құрылысшылар ғана өткізілуде.

Бұған дейін шипажай орналасқан көршілес Багабат ауылы бұзылған. Қазір онда жаңадан шипажай салынуда.

The Qazaq Times