Ұлыбританиядағы Вустер политехникалық институтының ғалымдары саумалдықтың жапырағынан миокард бұлшық еті тініне ұқсас органикалық зат жасап шығарды деп хабарлайды CBS.

Ғалымдардың айтуынша, бұл өсімдікті зерттеу жұмыстарына пайдаланудың бірден бір себебі - саумалдықтың  капиллярлық торы адамның жүрек-бұлшық етінің қызметін атқара алады.

"Өсінді" тінді алу үшін саумалдықтың бейтарап целлюлозадан құралған капиллярлы қалқанын қалдырып, басқа құрамдас заттарын алып тастаған.  Тәжірибе нәтижесінде өн бойында аз көлемді сұйықтықты жүргізе алатын бұлшық ет тінінің органикалық  жасушасын жасап шыққан.

 Жетекші биоинженер Глен Годет: "Біз капиллярларды қан жасушаларымен байытылған баяғыштармен толтырдық, кейін олар айналымға түсіп, циркуляция жүре бастады" - деп отыр.

Мамандардың айтуынша, бұл жаңалық болашақта жасанды ағзаларды жасауда пайдаланылуы мүмкін. Сонымен қатар, биохимиктер брокколиден өкпенің тіндерін жасап шығаруды да тәжірибе жүзінде байқап көруді жоспарлауда.

"The Qazaq Times"