Қазақстанның мемлекеттік қарыз көлемі артып, 15 триллион теңгеге жеткен.

Қаржы министрі Əлихан Смайловтың айтуынша, бұл жалпы ішкі өнімнің 25,8%-ы болған. Қарыз көлемінің өсуіне бюджеттің кем тұстарын қаржыландыру мен теңгенің құлдырауы себеп.

Былтыр Қазақстанның мемлекеттік қарызы 2017 жылмен салыстырғанда 20,9%-ға өсіп, 14,8 триллион теңге болған. Ал ішкі қарыз көлемі жалпы қарыздың 30,9%-ын құрап, 4,4 трлн теңгеден 5,7 трлн теңгеге өскен. Биыл кəсіпорындардың берешегін қоспағанда, мемлекеттің ішкі қарызы 57,7 миллиард АҚШ долларына тең. Аталған сома 2017 жылмен салыстырғанда 5,4 миллиард теңгеге азайған.

"The Qazaq Times"