Газа секторы 15 сағат бұрын. Фото: ALRAY-Palestinian Media Agency.

Түркия ақпарат құралдары Израиль армиясының түркиялық ақпарат агенттігінің ғимаратына шабуыл жасағанын хабарлады.  

Хабарға қарағанда, Израиль армиясының Газаға жасаған шабуылы кезінде түріктің «Анадолы» ақпараттық агенттігіне тиесілі ғимарат бүлінген және қызметкерлері жарақат алған.

Жараланғандар мен өзге де шығындар туралы анық мәлімет жоқ. Алайда, оқиғаға байланысты Түркия президенті Режеп Тайып Ердоған арнайы мәлімдеме жасап, Израиль армиясының әрекетін айыптаған.

Израиль Қорғаныс министрлігі жасаған мәлімдемеде, аталған хабарды терістеп, Израиль қарулы күштерінің операциясы  Газадағы лаңкестік топтар мен содырларға  қаратылғанын айтқан.

“The Qazaq Times”