Кезектен тыс президент сайлауы маусым айының 9-ы күні өтеді.

Бүгін мемлекет басшысы Қасым-Жомарт Тоқаев Қазақстан халқына үндеу жолдады. Онда ол кезектен тыс президент сайлауы 2019 жылдың 9-шы маусым күні өтетіндігін мәлімдеді.

Соңғы рет кезектен тыс президент сайлауы 2015 жылдың 26-шы сәуір күні өткен. Аталмыш сайлауда сол кездегі президент Нұрсұлтан Назарбаев халықтың 97,7 пайыз дауысын жинаған. Оның президенттік мерзімі 2020 жылы аяқталуы тиіс болған. Бірақ наурыз айының 19-ы күні Назарбаев өзінің президенттік өкілеттігін мерзімінен бұрын тоқтататынын айтып, оның орнына Конституция бойынша парламент спикері Қасым-Жомарт Тоқаев тағайындалған.

Қасым-Жомарт Тоқаев наурыз айының 20-ынан бері Қазақстан президентінің міндетін атқаруда.

"The Qazaq Times"