Фото: www.syl.ru

Эстонияда ресейлік тыңшылар ұсталды. Бұл туралы Reuters агенттігі хабарлады.

Мәліметтер бойынша, елдің қорғаныс күштері бас штабының қызметкері, майор Денис Метсавас пен оның әкесі Петр Волин бірнеше уақыт көлемінде тыңшылық жасап келген. Олар Ресей қарулы күштері бас басқармасына құпия мәліметтер берген. Эстонияның әскери инфрақұрылымы және одақтастарымен байланысы туралы мәлімет таратқан қос азаматқа осы тыңшылық қызметі үшін Ресей төлемақы төлеген.

Эстония сотының үкімімен айыпталушылардың бірі он бес жылға, бірі алты жылға дейін бас бостандығынан айырылды.

"The Qazaq Times"