Фото: f7.pmo.ee

Үндістанда «Зика» вирусын жұқтырғандардың саны бұрынғыдан артқан.

Раджастан штатында аталған вирусты жүздеген адам жұқтырған. Қазіргі уақытта жергілікті тұрғындар жаппай тексерістен өтіп жатыр. Мәліметтер бойынша, науқастардың көпшілігі Жайпур қаласының ауданынан. Вирус жұқтырғандардың қатарында жүкті әйелдер де бар.

Зика безгегі – өткір инфекциялық ауру. Бұл вирус жаңа туған нәрестелер үшін өте қауіпті, себебі бала ағзасында микроцефалия пайда болып, даму нашарлайды. Дерттен айығып шығудың дәрі-дәрмегі әлі күнге дейін табылмады.

"The Qazaq Times"