Фото: vestikavkaza.ru

Алдағы уақытта Түркия, Франция, Германия және Ресей басшылары Ыстамбұлда бас қосуы мүмкін. Кездесуде Сүриядағы жағдайлар талқыланады.

Түркия президенті Режеп Тайып Ердоғанның айтуынша, аталған мемлекеттердің көшбасшылары Сүрияның бүгіні мен болашағын талқылап, бірге күш біріктірмек. Франция мен Германия басшылары кездесуге келісім берген. Ал Ресей тарапы бұл мәлімдемеге қатысты пікір білдірген жоқ.

Еске сала кетейік, биыл жазда Сүрияға қатысты төртжақты кездесу өткізу туралы бастаманы алғашқылардың бірі болып Режеп Тайып Ердоған ұсынған болатын. Осы мақсатта қыркүйектің ортасында төрт тарап бас қосып, халықаралық мәселелерді талқылаған.

"The Qazaq Times"